قلب محارب و حنون❤ يعلم أن الحياة حرب و وِد وأنه المتكئ والكتف الثابت لقلبها لا يريدها مثالية ويعلم أنها ليست بناقصة يثبّتها دائما ما زال يضيئها دائما كلما انطفأت ولا يلتفت قلبه لغيرها إذ أن قلبه لا يسع إلا لها إذا كلّمها تلطف وإذا رأى من خطأها تبسم وترفع واذا حزن هو كانت له الصديقة تلملم شتاته وتضع يدها على رأسه وتقرأ ثلاثا بسم الله بسم الله بسم الله هي تعلمُ أن الألم حتمي لا مفر منه لكنها حريصة على اختيار رفيق هذا الألم جيدا فتريده يُبدي الود دون أن يُطلب ولا يتركها يومًا لتكون خيارًا لأي أحد تتعلم منه كل يوم وكأنه مربيها ومعلمها الأول ويحرص عليها أكثر منها ويلامس روحها دون تكلف صادق الوجدان لا يعرف للكذب طريقا ترى في عينيه انعكاس علاقة قوية متينة مع ربه ثم بعد ذلك يكون هو سندها في طريقها للّه تريده رجلًا ربانيّا تشعر وكأنه هدية اللّه لها وأن تلك عطية السماء وكأنها لم تعد ترى في الكون غيره وكأنه الكون كله ثم يكون بكاؤها الوحيد معه حين رحيله عن الدنيا. تريد من تفخر معه بكل سنوات تهذيبها لقلبها وحرصها على قلب مريمي طاهر إذ انه يستحق ذلك القلب إذ انه متى ما كان لها محمديا كانت له نعم الخديجة هذا جل ما يتمناه قلب الفتاة ❤

احتفظ.... احتفظ بمشاعرك اللطيفة لنفسك او لمن تحبه وتحترمه لا تبح وتخبر الناس عن معزتك لانسان ستكتشف لاحقا ماذا سيحدث احتفظ بجزء من شخصيتك بعيدا عن الضوء بعيدا جدا بحيث لا يفهمه العابرون جزء لا يعرفه غيرك فهم ليسوا بحاجة ان يعرفوا تفاصيلك فلا تنسى انه عالم مليء باقتناص اخطائك *احتفظ بمن تحب... احفظه في سرك وفي علانيتك وفي دعائك ولا تشهر به عله يكن من نصيبك في الوقت المناسب احتفظ بنفسك ولنفسك بصورك العفوية و بمحادثاتك مع من تحب لعلها ترسم ابتسامة على محياك بعد سنوات و لان لنفسك عليك حقا لا تختلط مع الناس باكملك احتفظ لنفسك ببعض منك "وتذكر "سر السعادة ان تكون سعادتك سرا ❤🌌

https://youtu.be/MQ5ljhweCU4 والصلاة تعيد لي الحياة ❤🌌

وأنا سنة أولى كان نفسي أحب (❤) ! ممكن زيي زي أي حدا ثاني .. بس مع ذلك كنت حريص إنه هالكلمة ما تطلع مني لأي حد ..وكان عندي قناعة إنه بعد الاعتراف الأول بالحب ، راح تفقد كلمة "بحبك" قيمتها ! عشان هيك لازم أحافظ على شرف هالكلمة ، واللي انخلقت لتنحكى مرة وحدة بس ! == طبعا إمي وأبوي حسوا عليّ ، ممكن لانه كنت كثير مهتم أزبط حالي وأنا طالع عالجامعة ، فضلا إنه كل يوم بجننهم إنه بدي سيارة .. كيف ليش بعرفش ؟! بذكر وقتها قعدوا معي قعدة مطولة ، كانت من المرات النادرة اللي بتفقوا فيها على اشي بحياتهم ! اتفقوا إنه دير بالك وشكلها الجامعة راح تغيرك ، وترى اللي بتعمله في بنات الناس رح ينعمل في اختك :/ ! == طبعا الحمد لله بعد أكم شهر اختي اتزوجت .. وزي كأنه همّ كبير وراح عني .. مش قصدي عن اختي ..قصدي عن تأنيب الضمير اللي راح احس فيه في حال حبيت .. وقتها امي وابوي طلعولي بقصة ترى اللي بتعمله بالناس بصير في بناتك ! ييييييي انا ويني ووين بناتي هسا .. ههههه واصلا فكرت فيها منطقيا .. انه ربنا اعدل واكرم انه يجازي حدا ما اله دخل بذنب وغلط حدا تاني .. واصلا طلع في اية في القرآن : ولا تزر وازرة وزر اخرى .. == شخصيتي الحلوة كانت كفيلة إنه أتعرف على عدد لا بأس به من البنات ، أظن إنه عدد ممتاز كطالب سنة أولى لسه .. ولا أخفيكم سرّا إنه كل ما اتعرف على بنات اكتر كل ما ازدادت صعوبة كلمة بحبك ! كنت على شفا حفرة إنه اخوض قصة حب ، لكن كنت أدارك نفسي في اللحظات الأخيرة ! وما اخفيكم كمان مرة إنه كل ما شعرت إنه في بنت بتتودد إللي وبتلمح لقصة حب كنت أنفر منها ! وما اعتقد إنه صادفت بنت صاحبة إرادة قوية من اللي كنت بعرفهم ! == كنت عارف إنه كلامي مع البنات غلط .. وإنه الاختلاط بهذا الشكل حرام .. بس بنفس الوقت تعال إحكيلي إنه اللي بتعمله غلط وحرام .. وقتها راح اطلعلك متخلف ورجعي ومعقد ومريض .. ! == . . == بمرور سنة تقريبا .. دخْلت عالمحاضرة .. كانت لابسة جلباب كحلي وحجاب أبيض ومعاصم بيض .. وكانت لابسة شنتة لونها خمري وعليها دبوس لفريق بتشتغل معه كمتطوعة .. وكانت حاملة بإيدها كتاب حاولت أعرف شو اسمه ما قدرت ! كانت عادية كشكل .. يعني معظم البنات اللي بعرفهم أحلى منها.. ممكن وقتها خطر في بالي عبارة لدستوفيسكي : ليس المهم جمال الوجه .. بل البراءة هي الأهم ! اه اه كانت بريئة .. بريئة جدا .. لفتت انتباهي بشكل كبير .. مش شوي .. بعد ما الدكتور اخذ حضور وغياب غيرت مكاني وقعدت ورا .. حتى اراقبها ! == كانت خجولة كثير .. وعلاقتها محدودة جدا .. كانت تسلم عصاحبتها شوية .. بعدين تفتح للكتاب اللي معها عبين ما يدخل الدكتور .. ما عمرها شاركت من حالها ..بس لما كان الدكتور يسألها كان يضل يطلب منها تعلي صوتها .. ! ما بعرف ليه هالبنت لفتت انتباهي كثير ! == كنت لما أشوفها اضب سيجارتي مباشرة .. وما كنت أحب تشوفني وانا قاعد مع بنات .. كنت أحسبلها حساب أكثر من أبوي .. مرة خطرلي أوقفها وبس احكيلها عفكرة انا صح بدخن وبحكي مع بنات .. بس والله بحب الله والرسول والقرآن والاسلام .. واصلا مش في حدا كان سكران زمن النبي ولما واحد من الصحابة لعنه ..النبي عصب وحكاله لا تلعنه لانه بحب الله والرسول ! انا بعرف انها بتعرف هالحديث .. بس كنت حاب اذكرها فيه .. == بس سؤال ..طيب ليه انا حاب ابرر الها إنه انا حد منيح .. وليه بحسبلها كل هالحساب ! واصلا هي مش شايفيتي من أصلي .. .. بس مع ذلك لازم اعمل اشي يبين إلها اني حدا منيح .. لازم ! == خطر في بالي احط جنب اسمي عالفيس بوك اشي اسلامي .. مثلا الواثق بنصر الله .. مسلم وافتخر .. الله أكبر .. اشي زي هيك .. حاولت ادور على اسم الصحابي السكران .. بس خفت تفكرني واصل لدرجة الشرب ! واصلا هالصحابي مش معروف ، يعني هي بحالها ممكن ما تعرفه .. == يا الله .. كيف بدي افرجيها إني حدا منيح .. كيف كيف ؟؟ اه .. خليني انزل بوست عجروب الدفعة ..ويكون عنوانه نصيحة الى اختي الطالبة ! كوني معتزة في دينك ..شامخة بفكرك ..إياك ان تكوني أسيرة للشهوات و الشبهات .. وإياك ان تكوني كتلك الفتاة الساذجة .. والتي تتجول في باحات الجامعة والسكوير ..تبحث عن شاب جذاب أو عاشق كذاب !! بس للاسف ما حطتلي لايك ! === مرة بفترة الإمتحانات لمحتها في المكتبة بتدرس .. وهي قاعدة عالطاولة أجو شبين قعدوا على نفس الطاولة ..وكان عنفس الطاولة بنات غيرها .. حسيت إنها انزعجت بس ما كان مبين عليها وعفكرة الموقف جدا عادي بس هي حدا غريب في هيك اشياء ... وحتى ما يبين عليها مسكت تلفونها وقامت على أساس تحكي تلفون ، أنا كنت مراقبها منيح .. طلعت عباب القاعة وزي ما توقعت ، ما حكت تلفون ! بعدها دخلت وحملت اغراضها عأساس إنه خلص بدها تطلع ، وحتى ما يبين عليها إنه قامت عشان الشباب ! == مرت فصول .. وانا لساتني مش عارف ليه هالبنت لافتة انتباهي وإني حريص تفهم إني حدا منيح حتى لو عندي أغلاط ! سجلت مع عمرة الجامعة .. وشباب المصلى استغربوا إنه راح اسجل في العمرة .. لانه دايما بشوفوني مع بنات .. ولانه كمان بدخن .. بس بصراحة ما كانوا فارقين عندي احكيلهم اني حدا منيح ..ولا اشرحلهم قصة السكران ! == واحنا في طريقنا للمدينة المنورة ، كانت الدنيا ليل وأغلب الباص نايم .. ما بعرف ليه لقيت حالي بفكر فيها .. وبنفس الوقت بحاول أجاوب على السؤال المعهود .. ليه هالبنت بالذات من دون غيرها ؟؟!! ما بعرف .. بس كانت مسافة الطريق كفيلة إنه أجاوب على جزء من السؤال ... اكتشفت إنه سبب تعلقي بالبنت دينها وحشمتها ولبسها وادبها وحياءها وعلاقتها مع ربنا ! كنت اشوف فيها الاشي الناقص من عندي .. كنت اشوف فيها العلاقة اللي نفسي تكون بيني وبين الله .. كنت اشوف فيها البراءة اللي ما صادفتها ولا ببنت تانية بعرفها ! == كانت آخر سيجارة بدخنها في حياتي على آخر استراحة قبل ما نفوت المدينة ، بصراحة ما كنت متوقع إنها ممكن تكون الأخيرة .. يا الله شو بكيت وأنا بسلم على سيدنا النبي صلى الله عليه وسلم .. ما بعرف ليه وقتها تخيلت حالي قاعد بين إيده ، وبحكيله أنا صح مقصر يا رسول الله ، بس والله بفديك بروحي .. ! وانا متأكد إنه راح يبتسم وياخد بإيدي .. وراح يحط إيده عقلبي ويحكي : يا رب هالقلب ثبته على طاعتك وابعده عن معصيتك ! متأكد .. والله متأكد كثير كمان .. ! == ممكن لحظة الصدق هديك كانت كفيلة إنه حياتي تتغير تماما .. حكي مع بنات ..دخان .. شهوات .. حتى دراستي صارت أحسن .. ولا أخفيكم للمرة الثالثة .. إنه سبب كبير بعد الله كانت هديك البنت واللي غيرت حياتي بدون ما تحكي معي ولا كلمة .. ! == وأحكيلكم اشي ؟! ولا مرة تجرأت ادعي إنها تكون من نصيبي .. بعرف إنه مش غلط أدعي ، وإنه الانسان لازم يدعي وهو موقن بالإجابة .. بس والله ما كان عندي الجرأة .. كنت شايفها حدا بيني وبينه مسافات فلكية .. وإنه أكيد هي بتستاهل حدا أحسن مني .. ما بعرف اذا كان تفكيري صح أو غلط .. بس هذا اللي صار .. == اتخرجت .. وانقطعت اخبارها .. ولغت الفيسبوك تاعها ! وانا طلعلي شغل برا الاردن .. واتغربت .. بس اتغربت فهمت حديث النبي صلى الله عليه وسلم لما قال فاظفر بذات الدين تربت يداك !! خاصة إني كنت في دولة غربية .. الي كان يصبرني في الغربة "هي" مع اني بعرف أنه يمكن ما اتكون نصيبي بس الموضوع بطل متعلق بشخصها بقدر ما كان متعلق في الصورة الي رسمتها جواتي ! == السنتين مرو علي زي كأنهم عشرين سنة بس في النهاية خلصو ... وانا في المطار بستنى الطيارة كان في بنوتة صغيرة يا الله شو أمورة حاولت استفزها عشان تيجي تحكي معي بس على الفاضي اضلها تضحك واتحط راسها في حضن امها وبتطلع بنص عين ههههه المهم في الاخر سألتها شو اسمك ؟! حكتلي "مِسك" .. مِسك؟! اتذكرت أنه اسم صاحبة مقربة من صاحباتها ! قلت خليني افتح الفيس بوك تاعها لعل وعسى أعرف أي خبر ! . . . . كانت من ساعة منزلة بوست ذكرى مرور سنة على وفاتها بعد صراعها مع السرطان ! مسك كتبت بنفس البوست : يا الله لحد هلأ بتذكر لما حكيتيلي إنك أخذتي على نفسك عهد في كل مرة بتفوتي فيها الجامعة ، إنك تحطي إيدك على قلبك وتدعي : يا رب هالقلب ثبته على طاعتك وابعده عن معصيتك ! == حطيت راسي في الارض حاولت اوقف دموعي وانا بتمتم "سبحان من آسى عليل القلب بعليل الجسد ! " . . . للبنت اللي كان إلها السبب بعد الله في هدايتي .. على روحك السلام ! #Ark_team

هل انا بلا قلب ؟؟ أتعلمين ما هو المنتصف المميت ؟؟ هل نشعر بانك وانه تسيران معا؟؟ ما اكثر ما يوجع القلب؟؟ أتعلمين ما هو الامان؟؟ هل هناك أعظم من أن تكون حنونا لينا طيبا؟؟ هل الحب والاهتمام فعل ورد فعل؟؟ ما معنى الاكتفاء؟؟ هل يوجد منه؟؟ هل هناك من يعزف اجراس اسمك كاملة حينما يذكرك؟؟ هل سيأتي اليوم الذي احتاج به القوة لكي أبقى لطيفة؟؟ على الرغم أني أُعدّ لطيفة ولا اضمر الشر لاحد لكن القدرة على تحمل بعض الافعال الصادرة من الاشخاص (لن اقول الاشخاص نفسهم لكي لا أظلمهم) بدأت تقل وتتضائل شيئا فشيئا لدي نعم اصبحت اقولها بصوت مرتفع لدي استعداد ان اخسر لم اعد ارغب ان افعل شيئا على حساب نفسي اقاوم ثم اقاوم وثم اقاوم حتى اتوقف فأنا الان أُحسن الى الاخرين حتى لا يغضب الله مني وكي لا اتحول الى شخص سيء اسند من اشعر باحتياجه لي لاني اعلم ان الله سندي فانا لا اتغير لمجرد انني مللت لكنني اتغير عندما ارى مكاني قد تغير ما هي مشكلتي ؟؟ مشكلتي اني لا اتجزأ حينما احضر أحضر باندفاع كبير وطاقتي تملا المكان أهب مشاعري دفعة واحدة لا ابالي ان كان هذا الشيء جيد ام سيء فقط افعله وحينما اقع لا أقع متفرقة وانما اقع بثقلي كله رغم ذلك لا احزن فالله بكل مرة ينتشلني برحمته ❤ واني يا الله أحاول فاعني انت المنفذ الوحيد وما بعدك فان ❤❤

https://youtu.be/Tug63dI4MEY ❤healing❤