لما تكوني قاعدة بمكان عام فجأة تجيكِ وحدة وكأنه كل هموم الدنيا حامليتها على كتافها تعابير وجهها ابدا مطفية مافي لمعان بعيونها مافي هداك الشغف ولا نظرات الامل اللي بنعرفها  بتبسم بوجهها بتبادرك  بابتسامة حزينة كلها أسى ووجع
وفجأة وبدون اي سبب بتلاقي حالك عم تحكي معها وكانها حدا بتعرفيه من زمان واستمر الكلام على الرغم انها بتعرف اني من الممكن ما رح شوفها مرة تانية وانساها وانسى قصتها  بس انا عالاكيد اني ما رح انساها بدعائي الها كل ما اتزكرها بكل صلاة

بس بقول~
حسبنا الله ونعم الوكيل في كل حدا قدر بلحظة  يضيع دينه ويبيع ضميره  لاجل نزوات واخطاء هو بغنى عن فعلها لما رب العالمين ستره ورزقه ومنن عليه ..اللي قدر يفرط بأهله وعيلته وضحكته معهم وسعادتهم معه.. كيف بكل سهولة قدر يطفي قلب انسان ويسببله تعاسة بعد ما كان هالانسان  كل حياته بعتبره قطعة منه  واهله وناسه  لدرجة انها تركت بيت اهلها وكانت امانة عنده وكانت اله زوجة وام واخت ورفيقة صحيح  الانسان احيانا في اشياء ما بيقدر يعرفها ويفهمها بس ما اتوقع لو كانت هي مقصرة بحقه انه  بحقله يساوي فيها اللي سوّاه مافي اي مبرر ينزع منها الفرح بهالسهوله كلنا بنعرف قصة اللي قلع عين زوجته قدام اولادها صح العنف الجسدي قوي وقوي كتيير لما يكون بهالبشاعة  لكن العنف النفسي  قد يضاهي الجسدي وبأضعاف مضاعفة يا ريت اللي مو قد انه يتحمل المسؤولية ما يفكر يمثل انه هو رجل يصلح للزواج او انه  ممكن ينصلح بزوجة او  اولاد
ياريت يفكر اكتر من مرة ببنت الناس اللي رح يظلمها معه واولاده اللي رح يكونوا مريضين نفسيين وبلا شخصية
يا ريت يكون الرجل رجل بحق الله ويخاف ربنا ببنات الناس سواء زوجته اللي عنده بالبيت او البنات اللي برة وما عرفوا يصونوا حالهم ويميزوا الصح من الخطأ ويعفّوا انفسهم  وبصرهم واجسادهم واندفاعهم عالغلط والحرام ونسأل الله العافية

وبالنسبة للخيانة
احفظوها هالقاعده اللي  بخون بخون ربه ودينه واصله  واخلاقه
قال تعالى: وان الله لا يهدي كيد الخائنين
وقال تعالى: ان الله لا يحب كل خوان كفور
وقال تعالى: وان يريدوا خيانتك فقد خانوا الله من قبل

 انت كل اللي عليك  تعمليه انك تحكيله الله معك و اللي بتقول حلف ووعد  ما رح يعيدها فاللي بخون مره بخون عشرين اي انسان من اول موقف ببين لا تتنازلي لانه لو انتي اللي خنتي ما رح يرحمك
وما ننسى "كما تدين تدان" الدنيا دوارة واذا ما رجعتلهم عاخواتهم بترجع على بناتهم

 ربنا لا تعاقبنا بما فعل السفهاء منا والحمدلله الذي عافانا مما ابتلى به غيرنا وفضلنا على كثير من خلقه
يارب وقليل من عبادك المخلصين ❤️
يارب ومن يخاف الله فينا ونخاف الله فيه ❤️